Datim

A ča je lipo, u ladu datim,

fermaju brige, i dan se cipa,

u po se bire pogleda latim,

galeb u letu furešta se pripa,

i ča bi tija već odma tu je,

na slipo rukam grlin to more,

šapljen mu tiho da niko ne čuje,

moje si more u rane zore…

Kad u po riči pa'ne me voja,

pušćam da sunce po nebu bati,

a ja se friškan, vata me boja,

i more moje u život me vrati…

Ča je lipo na ovome svitu,

da je više, ne bi bilo boje,

fala ti Bože na svakom litu,

friška mi tilo to more moje,

ča je lipo, kad uvati fjaka,

sunce bati, a meni se dati,

i ne bi se vragu za zeru maka,

to samo lito s moren mi vrati…

Rab, 17.6.2011.