Da mi je s tobon

da mi je s tobom vratit se u dane,

kad sam bija čovik ča se bori,

nije bilo straja da mi svane,

po života koje samo zori,

da mi je činit pisme po kaleti,

di furešti zastanu u hodu,

nije priša a život proleti,

ka i more nasukanu brodu...

Falija sam, puno sam naviga,

svudi bija a nikuda stiga,

sad me tilo noćima kaštiga,

finte bacam da me nije briga,

falija sam finija na kraju,

sve bi loše u bukaru lija,

ti si vila ča leti u raju,

a ja proklet od rođenja bija...

da mi je s tobon vratit se u dane,

di sam bija čovik koji voli,

a luda mladost pripa se pa stane,

u po mota kad srce zaboli...

Rab, 21.9.2011. 21:15-21:30:)